کنج حیرت سے چلے دشت زیاں تک لائے

کنج حیرت سے چلے دشت زیاں تک لائے

کون لا سکتا ہے ہم دل کو جہاں تک لائے

ایک ہنگامہ بپا ہے پس دیوار بدن

ہے کسے تاب سخن کون زباں تک لائے

ٹھیک ہے چشم تغافل یہ تری دین سہی

تاب زخموں کی مگر کوئی کہاں تک لائے

آنکھ ویراں تھی کسی دشت تپاں کی صورت

ہم اسے سلسلۂ آب رواں تک لائے

چل نکلتی ہے تو پھر لب پہ بھی آ جاتی ہے

لانے والے کی یہ مرضی ہے جہاں تک لائے

عین ممکن ہے ٹھہر جائے سزا وار کرم

ہم یہی سوچ کے دل کوئے بتاں تک لائے

تجھ کو جو چاہئے بے خوف و خطر لیتا جا

کون کافر ہے کہ جو دل میں گماں تک لائے

kunj-e-hairat se chale dasht-e-ziyan tak lae

kaun la sakta hai ham dil ko jahan tak lae

ek hangama bapa hai pas-e-diwar badan

hai kise tab-e-sukhan kaun zaban tak lae

thik hai chashm-e-taghaful ye tiri din sahi

tab zakhmon ki magar koi kahan tak lae

ankh wiran thi kisi dasht-e-tapan ki surat

ham use silsila-e-ab-e-rawan tak lae

chal nikalti hai to phir lab pe bhi a jati hai

lane wale ki ye marzi hai jahan tak lae

ain mumkin hai thahar jae saza war karam

ham yahi soch ke dil ku-e-butan tak lae

tujh ko jo chahiye be khauf-o-khatar leta ja

kaun kafir hai ke jo dil mein guman tak lae