بڑھ گئی کچھ اور الجھن رابطہ کرنے کے بعد

بڑھ گئی کچھ اور الجھن رابطہ کرنے کے بعد

خود سے بھی شکوہ رہا اس سے گلہ کرنے کے بعد

ہم کو مڑ کر دیکھنے کی کیا ضرورت تھی اسے

کون رکتا ہے یہاں پر حادثہ کرنے کے بعد

کیا قیامت ہے کہ گھر سے ڈھونڈنے نکلے ہیں لوگ

خود کو اپنی خواہشوں میں لاپتہ کرنے کے بعد

میری ساری مشکلیں ہیں میرے ہونے کی دلیل

میں کہاں باقی رہوں گا التجا کرنے کے بعد

اس سے بڑھ کر اور کیا ہم پر ستم ہوگا منیرؔ

مشورہ مانگا ہے اس نے فیصلہ کرنے کے بعد

barh gai kuchh aur uljhan rabta karne ke baad

khud se bhi shikwa raha us se gila karne ke baad

ham ko mur kar dekhne ki kya zarurat thi use

kaun rukta hai yahan par hadisa karne ke baad

kya qayamat hai ke ghar se dhundne nikle hain log

khud ko apni khwahishon mein lapata karne ke baad

meri sari mushkilen hain mere hone ki dalil

main kahan baqi rahunga iltija karne ke baad

is se barh kar aur kya ham par sitam hoga munir

mashwara manga hai us ne faisla karne ke baad