وفور اشتیاق میں زباں سے کیا نکل گیا

وفور اشتیاق میں زباں سے کیا نکل گیا

پھر اس کے بعد بزم کا مزاج ہی بدل گیا

ادھر ادھر کے لوگ تو کریں گے اس کی پرورش

ذرا سا کوئی خوف بھی اگر دلوں میں پل گیا

ہماری رات جگمگا رہی ہے آب و تاب سے

زمیں کا چاند آسماں کے چاند کو نگل گیا

مکان سے مکان تو ہوئے ہیں متصل مگر

خلوص جس کا نام تھا وہ شہر سے نکل گیا

یہ بھید پورے شہر کو دیا ہے میں نے اس لیے

کہ ہوتے ہوتے بات کا پتہ اسے بھی چل گیا

نجانے اس گھڑی تھی کیا دل و نظر کی کیفیت

چھوا جو میں نے پھول کو تو میرا ہاتھ جل گیا

wafur-e-ishtiyaq mein zaban se kya nikal gaya

phir is ke baad bazm ka mizaj hi badal gaya

idhar idhar ke log to karenge us ki parwarish

zara sa koi khauf bhi agar dilon mein pal gaya

hamari rat jagmaga rahi hai ab-o-tab se

zamin ka chand asman ke chand ko nigal gaya

makan se makan to hue hain muttasil magar

khulus jis ka nam tha wo shahr se nikal gaya

ye bhed pure shahr ko diya hai main ne is liye

ke hote hote bat ka pata use bhi chal gaya

nijane us ghari thi kya dil-o-nazar ki kaifiyat

chhua jo main ne phul ko to mera hath jal gaya