وحشت بام و در سے بھاگتے ہیں

وحشت بام و در سے بھاگتے ہیں

جب کبھی اپنے گھر سے بھاگتے ہیں

ہاتھ ملتا ہے دیدۂ حیراں

لوگ اتنا ہنر سے بھاگتے ہیں

جس میں کچھ بھی برا نہیں لگتا

ایسے حسن نظر سے بھاگتے ہیں

میرے اس شہر بے یقین کے لوگ

شور سے اور شر سے بھاگتے ہیں

ایسا بدلا مزاج آب و ہوا

پیڑ اپنے ثمر سے بھاگتے ہیں

قہقہوں میں جو تھے شریک وہی

اب مری چشم تر سے بھاگتے ہیں

بدرؔ ہم ہیں غزال دشت جنوں

وہ جدھر ہو ادھر سے بھاگتے ہیں

wahshat-e-bam-o-dar se bhagte hain

jab kabhi apne ghar se bhagte hain

hath milta hai dida-e-hairan

log itna hunar se bhagte hain

jis mein kuchh bhi bura nahin lagta

aise husn-e-nazar se bhagte hain

mere is shahr-e-be yaqin ke log

shor se aur shar se bhagte hain

aisa badla mizaj-e-ab-o-hawa

per apne samar se bhagte hain

qahqahon mein jo the sharik wahi

ab miri chashm-e-tar se bhagte hain

badr ham hain ghazal-e-dasht-e-junun

wo jidhar ho idhar se bhagte hain