تری آنکھوں سے میں خود پر عیاں ہونے لگا تھا

تری آنکھوں سے میں خود پر عیاں ہونے لگا تھا

مجھے بھی اپنے ہونے کا گماں ہونے لگا تھا

میں اپنی ذات کا صحرا جو تیرے پاس لایا

مرے اندر بھی بارش کا سماں ہونے لگا تھا

عطا مجھ کو ہوئی صد شکر تھوڑی سی اداسی

وگرنہ مفت میں جی کا زیاں ہونے لگا تھا

کہاں جاتے مری آنکھوں سے یہ آنسو نکل کر

دریدہ دامنی کا امتحاں ہونے لگا تھا

سراپا گوش ہو کر جو مجھے سنتا تھا پہروں

مرا لہجہ بھی اب اس پر گراں ہونے لگا تھا

جدائی کی گھڑی سے پیشتر سے رنگ موسم

پھر اس کے بعد ہر منظر دھواں ہونے لگا تھا

tiri ankhon se main khud par ayan hone laga tha

mujhe bhi apne hone ka guman hone laga tha

main apni zat ka sahra jo tere pas laya

mire andar bhi barish ka saman hone laga tha

ata mujh ko hui sad shukr thori si udasi

wagarna muft mein ji ka ziyan hone laga tha

kahan jate miri ankhon se ye ansu nikal kar

darida damani ka imtihan hone laga tha

sarapa gosh ho kar jo mujhe sunta tha pahron

mira lahja bhi ab us par giran hone laga tha

judai ki ghari se peshtar se rang mausam

phir is ke baad har manzar dhuan hone laga tha