جہاں پر اہل دل ہوتے نہیں ہیں

جہاں پر اہل دل ہوتے نہیں ہیں

رویے معتدل ہوتے نہیں ہیں

بہت رکھتے ہیں آوارہ دلوں کو

یہ جذبے پا بہ گل ہوتے نہیں ہیں

فلک پر اڑنے والے بادلوں کے

ٹھکانے مستقل ہوتے نہیں ہیں

ہو بے شک مشترک دیوار لیکن

مقدر متصل ہوتے نہیں ہیں

دل درد آشنا ہوتا ہے جن میں

وہ سینے مضمحل ہوتے نہیں ہیں

سنبھالو خود ہی اپنے رت جگوں کو

یہ ورثے منتقل ہوتے نہیں ہیں

jahan par ahl-e-dil hote nahin hain

rawayye motadil hote nahin hain

bahut rakhte hain awara dilon ko

ye jazbe pa ba gul hote nahin hain

falak par urne wale badalon ke

thikane mustaqil hote nahin hain

ho be shak mushtarak diwar lekin

muqaddar muttasil hote nahin hain

dil-e-dard-e-ashna hota hai jin mein

wo sine muzmahil hote nahin hain

sambhalo khud hi apne rut jagon ko

ye wirse muntaqal hote nahin hain