محو کر ڈالی کسی نے دل سے میری یاد تک

محو کر ڈالی کسی نے دل سے میری یاد تک

ہو نہیں سکتی مگر اس ظلم پر فریاد تک

وحشتیں اتنی بڑھی ہیں کاروبار شوق میں

دور مجھ سے بھاگتا ہے اب مرا ہمزاد تک

تیری میری لغزشوں پر ہی کہاں موقوف ہے

بات چل نکلی تو پھر جائے گی یہ اجداد تک

سوچتا ہوں کیا کریں گے اندمال درد دل

غور سے سنتے نہیں ہیں جو مری روداد تک

بن گئے انسان اپنی ذات میں جنگل منیرؔ

اڑ گئی ہے بستیوں سے بوئے آدم زاد تک

mahw kar dali kisi ne dil se meri yad tak

ho nahin sakti magar is zulm par fariyad tak

wahshaten itni barhi hain karobar-e-shauq mein

dur mujh se bhagta hai ab mira hamzad tak

teri meri laghzishon par hi kahan mauquf hai

bat chal nikli to phir jaegi ye ajdad tak

sochta hun kya karenge indimal-e-dard-e-dil

ghaur se sunte nahin hain jo miri rudad tak

ban gae insan apni zat mein jangal munir

ur gai hai bastiyon se bu-e-adam zad tak