خیال اپنا ادھر لگا کے

خیال اپنا ادھر لگا کے

پڑا ہوں اب دل کو ڈر لگا کے

وہ آپ روپوش ہو گیا ہے

ہمارے ذمے سفر لگا کے

کلام ہم سے کرے گا لیکن

اگر لگا کے مگر لگا کے

کسی کے بارے میں سوچتا ہے

کسی کے سینے سے سر لگا کے

ہوئے ہیں سپنے عزیز جب سے

اڑی مری نیند پر لگا کے

منیرؔ رخ پر شکست دل کی

میں پھر رہا ہوں خبر لگا کے

khayal apna idhar laga ke

para hun ab dil ko dar laga ke

wo ap ruposh ho gaya hai

hamare zimme safar laga ke

kalam ham se karega lekin

agar laga ke magar laga ke

kisi ke bare mein sochta hai

kisi ke sine se sar laga ke

hue hain sapne aziz jab se

uri miri nind par laga ke

munir rukh par shikast-e-dil ki

main phir raha hun khabar laga ke