عین ممکن ہے یہ زحمت بھی اٹھانی پڑ جائے

عین ممکن ہے یہ زحمت بھی اٹھانی پڑ جائے

باتوں باتوں میں کوئی بات چھپانی پڑ جائے

سوچ کر اور کوئی عذر بھی رکھیں شاید

روبرو اس کے یہ توجیہہ پرانی پڑ جائے

در بدر پھرتے ہیں اس آس پہ ہم دل زدگاں

کسی رستے میں کوئی شام سہانی پڑ جائے

مصلحت اوڑھنے والوں کو یہ معلوم نہیں

اپنے رستے کی یہ دیوار جو ڈھانی پڑ جائے

دیکھتے ہیں جسے آئینۂ دل میں اکثر

وہی تصویر جو دنیا کو دکھانی پڑ جائے

شہر کے طرز تغافل سے تو بہتر ہے منیرؔ

اپنے حصے میں کوئی نقل مکانی پڑ جائے

ain mumkin hai ye zahmat bhi uthani par jae

baton baton mein koi bat chhupani par jae

soch kar aur koi uzr bhi rakhen shayad

rubaru us ke ye taujiha purani par jae

dar badar phirte hain is as pe ham dil zadagan

kisi raste mein koi sham suhani par jae

maslahat orhne walon ko ye maalum nahin

apne raste ki ye diwar jo dhani par jae

dekhte hain jise aina-e-dil mein aksar

wahi taswir jo duniya ko dikhani par jae

shahr ke tarz-e-taghaful se to behtar hai munir

apne hisse mein koi naql-e-makani par jae