کسے خبر ہے کہ کس ادا پر چلا گیا ہے

کسے خبر ہے کہ کس ادا پر چلا گیا ہے

یہ دل کہ حیرت کی انتہا پر چلا گیا ہے

چراغ اندر کی سازشوں سے بجھے ہوئے ہیں

اور اس کا الزام بھی ہوا پر چلا گیا ہے

کبھی تو ذہنوں پہ زور دینا کہ وقت اچھا

ہمارے جیون سے کس بنا پر چلا گیا ہے

میں اپنے حق میں دلیل کوئی بھی دے نہ پایا

معاملہ اب مرا خدا پر چلا گیا ہے

ترے بزرگوں میں کوئی اہل سخن نہیں تھا

منیرؔ تو کس سخن ادا پر چلا گیا ہے

kise khabar hai ke kis ada par chala gaya hai

ye dil ke hairat ki intiha par chala gaya hai

charagh andar ki sazishon se bujhe hue hain

aur us ka ilzam bhi hawa par chala gaya hai

kabhi to zehnon pe zor dena ke waqt achchha

hamare jiwan se kis bana par chala gaya hai

main apne haq mein dalil koi bhi de na paya

muamla ab mira khuda par chala gaya hai

tire buzurgon mein koi ahl-e-sukhan nahin tha

munir to kis sukhan ada par chala gaya hai