خالی الذہن ہوئے جب سے خلاؤں کی طرح

خالی الذہن ہوئے جب سے خلاؤں کی طرح

ہم بھٹکتے رہے بے لاگ ہواؤں کی طرح

خود کشی جرم ہے سنگین خطاؤں کی طرح

زندگی دیکھ ادھر ہم میں خداؤں کی طرح

کتنا آسان ہے احساس کی تلخی کا علاج

زہر بکتا ہے سر عام دواؤں کی طرح

کیا مقدر ہے کہ سورج کے نگر میں رہ کر

چاند سے لوگ ہیں تاریک گپھاؤں کی طرح

ہائے اس دور کی تقدیر میں آواز اذاں

کارگر کیوں نہیں میلوں کی صداؤں کی طرح

اس کے جلتے ہوئے ہونٹوں پہ مرا نام عاجزؔ

آج بھی آتا ہے مجبور دعاؤں کی طرح

khali alzzahn hue jab se khalaon ki tarah

ham bhatakte rahe be lag hawaon ki tarah

khud kashi jurm hai sangin khataon ki tarah

zindagi dekh idhar ham mein khudaon ki tarah

kitna asan hai ehsas ki talkhi ka ilaj

zahr bikta hai sar-e-am dawaon ki tarah

kya muqaddar hai ke suraj ke nagar mein rah kar

chand se log hain tarik guphaon ki tarah

hae is daur ki taqdir mein awaz-e-azan

kargar kyun nahin mailon ki sadaon ki tarah

us ke jalte hue honton pe mira nam ajiz

aj bhi ata hai majbur duaon ki tarah