منہ جو دیکھے آئینہ گر کانچ کا

منہ جو دیکھے آئینہ گر کانچ کا

مسکرا اٹھے مقدر کانچ کا

بھول جاؤں گا میں اپنے آپ کو

عکس پہچانے گا جو ہر کانچ کا

پتھروں کا ہے نصیبہ اوج پر

لے گئی تہذیب جھومر کانچ کا

ہاتھ سے بچے کے پتھر چھین لو

آدمی ہے میرے اندر کانچ کا

وائیپر کے رقص سے عاجزؔ اسے

فیض پہنچا زندگی بھر کانچ کا

munh jo dekhe aina gar kanch ka

muskura uthe muqaddar kanch ka

bhul jaunga main apne ap ko

aks pahchanega jo har kanch ka

pattharon ka hai nasiba auj par

le gai tahzib jhumar kanch ka

hath se bachche ke patthar chhin lo

admi hai mere andar kanch ka

waipar ke raqs se ajiz use

faiz pahuncha zindagi bhar kanch ka