سینہ لہولہان ہے کالی چٹان کا

سینہ لہولہان ہے کالی چٹان کا

پتھر میں بھی گمان سا ہوتا ہے جان کا

چھوٹا سا ایک تنکا چڑیا کی چونچ میں

شہتیر لگ رہا تھا جو اونچے مکان کا

قندیل لے کے خود ہی وہ خندق میں جا گرا

نعرہ لگا رہا تھا ابھی ساؤدھان کا

ہے سامنے سے آنکھ ملانے کا لطف اور

کھیلے گا کیا شکار شکاری مچان کا

عاجزؔ میری قمیض میں اٹکا تھا جو کبھی

تحفے کا تھا وہ پھول کہ کانٹا تھا جان کا

sina lahuluhan hai kali chatan ka

patthar mein bhi guman sa hota hai jan ka

chhota sa ek tinka chiriya ki chonch mein

shahtir lag raha tha jo unche makan ka

qindil le ke khud hi wo khandaq mein ja gira

naara laga raha tha abhi saodhan ka

hai samne se ankh milane ka lutf aur

khelega kya shikar shikari machan ka

ajiz meri qamez mein atka tha jo kabhi

tohfe ka tha wo phul ke kanta tha jan ka