زخموں کے دہن بھر دے خنجر کے نشاں لے جا

زخموں کے دہن بھر دے خنجر کے نشاں لے جا

بے سمت صداؤں کی رفعت کا گماں لے جا

احساس بصیرت میں عبرت کا سماں لے جا

اجڑی ہوئی بستی سے بنیاد مکاں لے جا

شہروں کی فضاؤں میں لاشوں کا تعفن ہے

جنگل کی ہوا آ جا جسموں کا دھواں لے جا

ہے اور ابھی باقی تاریک سفر شب کا

اگنے دے نیا سورج پھر چاہے جہاں لے جا

جلتی ہوئی راتوں کا بجھتا ہوا منظر ہوں

گھر آ کے کبھی عاجزؔ مجھ سے یہ سماں لے جا

zakhmon ke dahan bhar de khanjar ke nishan le ja

be samt sadaon ki rifat ka guman le ja

ehsas-e-basirat mein ibrat ka saman le ja

ujri hui basti se buniyad makan le ja

shahron ki fazaon mein lashon ka taaffun hai

jangal ki hawa a ja jismon ka dhuan le ja

hai aur abhi baqi tarik safar shab ka

ugne de naya suraj phir chahe jahan le ja

jalti hui raton ka bujhta hua manzar hun

ghar a ke kabhi ajiz mujh se ye saman le ja