جتنی تیزی سے آ رہا تھا وہ

جتنی تیزی سے آ رہا تھا وہ

لوٹ کر دور جا رہا تھا وہ

صرف رشتے کی بات پر یارو

عمر اپنی چھپا رہا تھا وہ

تتلیاں جتنی سامنے آئیں

رنگ سب کے چرا رہا تھا وہ

دل کسی سے نہیں ملا اس کا

ہاتھ سب سے ملا رہا تھا وہ

زخم خوردہ صداؤں کو عاجزؔ

خامشی سے اٹھا رہا تھا وہ

jitni tezi se a raha tha wo

laut kar dur ja raha tha wo

sirf rishte ki bat par yaro

umr apni chhupa raha tha wo

titliyan jitni samne aen

rang sab ke chura raha tha wo

dil kisi se nahin mila us ka

hath sab se mila raha tha wo

zakhm khurda sadaon ko ajiz

khamushi se utha raha tha wo