ایک اک پتا ہواؤں سے ہے لڑنے والا

ایک اک پتا ہواؤں سے ہے لڑنے والا

پیڑ اس کا نہیں آندھی سے اکھڑنے والا

راہ چلتے ہوئے انگلی بھی کسی کی نہ پکڑ

بھیڑ میں ہوتا ہے ہر شخص بچھڑنے والا

اک ہمکتے ہوئے بچے کی طرح ضد نہ کر

خوش نما جسم کھلونا ہے بگڑنے والا

ختم محلوں کی روا داری کا دستور ہوا

اب یہاں کون ہے دیوار میں گڑھنے والا

زندگی شہر بسانے میں ہے مصروف عاجزؔ

گاؤں طوفان کی زد میں ہے اجڑنے والا

ek ik patta hawaon se hai larne wala

per us ka nahin andhi se ukharne wala

rah chalte hue ungli bhi kisi ki na pakar

bhir mein hota hai har shakhs bichharne wala

ik hamkutte hue bachche ki tarah zid na kar

khush numa jism khilauna hai bigarne wala

khatm mahlon ki rawa dari ka dastur hua

ab yahan kaun hai diwar mein garhne wala

zindagi shahr basane mein hai masruf ajiz

gaon tufan ki zad mein hai ujarne wala