نہیں خود پر بھی قابو اور خدائی چاہتے ہیں ہم

نہیں خود پر بھی قابو اور خدائی چاہتے ہیں ہم

وہ ٹھہرا چاند اور اس تک رسائی چاہتے ہیں ہم

تری کوئی ادا تو یوں عیاں ہو جائے گی ہم پہ

تری جانب سے جاناں بے وفائی چاہتے ہیں ہم

محض خوابوں خیالوں میں ترا دیدار ہو کب تک

حقیقت میں بھی تجھ سے آشنائی چاہتے ہیں ہم

پئیں ساقی کے ہاتھوں سے مئے الفت پئیں جب بھی

مرے ناصح بس اتنی پارسائی چاہتے ہیں ہم

ہم اب غرق تخیل ہیں بس اپنی ذات میں اتنے

سوا ان کے ہر اک سے ہی جدائی چاہتے ہیں ہم

nahin khud par bhi qabu aur khudai chahte hain ham

wo thahra chand aur us tak rasai chahte hain ham

tiri koi ada to yun ayan ho jaegi ham pe

tiri janib se janan be wafai chahte hain ham

mahz khwabon khayalon mein tira didar ho kab tak

haqiqat mein bhi tujh se ashnai chahte hain ham

piyen saqi ke hathon se mai-e-ulfat piyen jab bhi

mire naseh bas itni parsai chahte hain ham

ham ab gharq-e-takhayyul hain bas apni zat mein itne

siwa un ke har ik se hi judai chahte hain ham