تو نے ہی ہر قدم پہ دیا حوصلہ مجھے

تو نے ہی ہر قدم پہ دیا حوصلہ مجھے

یا رب نہیں ہے تیرے سوا آسرا مجھے

اک بار اس نے کہہ تو دیا دل ربا مجھے

تکتا رہا میں آئنے کو آئنہ مجھے

جن کے لئے سند تھی مری بات کل تلک

دینے لگے ہیں آج وہی مشورہ مجھے

کالج میں اس لیے بھی تو جاتا رہا کہ وہ

اے کاش اک نظر ہی سہی دیکھتا مجھے

ناراض اپنے آپ سے ہوں مان یا نہ مان

تجھ سے شکایتیں ہیں نہ کوئی گلہ مجھے

ہر آن ہر خوشی ہے ملی اس کے باوجود

کیوں لگ رہی ہے زندگی میری سزا مجھے

حافظ مرا خدا ہے سو کہنا فضول ہے

اپنے سوا کسی کا نہیں آسرا مجھے

اس عین شین قاف میں اک پل سکوں نہیں

دیتا ہے جیسے راہیؔ کوئی بد دعا مجھے

tu ne hi har qadam pe diya hausla mujhe

ya rab nahin hai tere siwa asra mujhe

ik bar us ne kah to diya dil ruba mujhe

takta raha main aine ko aina mujhe

jin ke liye sanad thi miri bat kal talak

dene lage hain aj wahi mashwara mujhe

kalij mein is liye bhi to jata raha ke wo

ai kash ik nazar hi sahi dekhta mujhe

naraz apne ap se hun man ya na man

tujh se shikayaten hain na koi gila mujhe

har an har khushi hai mili is ke bawajud

kyun lag rahi hai zindagi meri saza mujhe

hafiz mira khuda hai so kahna fuzul hai

apne siwa kisi ka nahin asra mujhe

is ain shain qaf mein ik pal sakun nahin

deta hai jaise rahi koi bad dua mujhe