اپنی آنکھوں سے تباہی یہ نظارہ دیکھوں

اپنی آنکھوں سے تباہی یہ نظارہ دیکھوں

یعنی تجھ کو میں کسی اور کا ہوتا دیکھوں

میری دیوانگی اس موڑ پہ لے آئی ہے

ہر کسی چہرے میں بس ایک ہی چہرہ دیکھوں

یہ جو تصویر مصور نے بنائی ورنہ

چاند کو ٹھہرے ہوئے پانی میں چلتا دیکھوں

تشنگی لاکھ سہی پر یہ نہیں ہو سکتا

خود کو لاچار بناؤں سوئے دریا دیکھوں

یہ تری ضد کہ تڑپتا ہوا دیکھے مجھ کو

میری خواہش کہ ہمیشہ تجھے ہنستا دیکھوں

سامنے تجھ کو بٹھاؤں ترا ماتھا چوموں

تیری آنکھیں تری زلفیں ترا چہرہ دیکھوں

دو قدم چل کے یہ دل نے کہا عادل راہیؔ

آخری بار پلٹ کر اسے جاتا دیکھوں

apni ankhon se tabahi ye nazara dekhun

yaani tujh ko main kisi aur ka hota dekhun

meri diwangi is mor pe le ai hai

har kisi chehre mein bas ek hi chehra dekhun

ye jo taswir musawwir ne banai warna

chand ko thahre hue pani mein chalta dekhun

tishnagi lakh sahi par ye nahin ho sakta

khud ko lachar banaun su-e-dariya dekhun

ye tiri zid ke tarapta hua dekhe mujh ko

meri khwahish ke hamesha tujhe hansta dekhun

samne tujh ko bithaun tira matha chumun

teri ankhen tiri zulfen tira chehra dekhun

do qadam chal ke ye dil ne kaha adil rahi

akhiri bar palat kar use jata dekhun