ہے اثر اس طرح دل پر عشق کی تاثیر کا

ہے اثر اس طرح دل پر عشق کی تاثیر کا

آج کل ہے حال جیسا وادئ کشمیر کا

یوں تو دنیا کا کوئی منظر مجھے بھایا نہیں

ہاں مگر شیدا ہوا ہوں میں تری تصویر کا

ہے مری دنیا میں تیری اہمیت کچھ اس طرح

مرتبہ ہے شاعری میں جس طرح سے میرؔ کا

یاد تم آؤ گے مجھ کو میری جاں یہ جان لو

ذکر جب بھی آئے گا میری غزل میں ہیر کا

میں نے تو بس عین لکھا تھا لفافے پر مگر

جانے کیا سمجھا ہے مطلب اس نے اس تحریر کا

تم سے ملنا اور پھر مل کر بچھڑ جانے کا غم

فیصلہ شاید یہی ہے کاتب تقدیر کا

شعر میں نے بھی سنائے خوب راہیؔ رات بھر

ذکر چھیڑا تھا کسی نے بزم میں جب میرؔ کا

hai asar is tarah dil par ishq ki tasir ka

aj kal hai hal jaisa wadi-e-kashmir ka

yun to duniya ka koi manzar mujhe bhaya nahin

han magar shaida hua hun main tiri taswir ka

hai miri duniya mein teri ahmiyat kuchh is tarah

martaba hai shayari mein jis tarah se mir ka

yad tum aoge mujh ko meri jan ye jan lo

zikr jab bhi aega meri ghazal mein hir ka

main ne to bas ain likha tha lifafe par magar

jane kya samjha hai matlab us ne is tahrir ka

tum se milna aur phir mil kar bichhar jane ka gham

faisla shayad yahi hai katib-e-taqdir ka

sher main ne bhi sunae khub rahi rat bhar

zikr chhera tha kisi ne bazm mein jab mir ka