تجھے یاد کر کے بھلانے سے پہلے

تجھے یاد کر کے بھلانے سے پہلے

میں رویا بہت مسکرانے سے پہلے

کہ رو رو کے سونا تو ہنس ہنس کے اٹھنا

ہم ایسے نہ تھے دل لگانے سے پہلے

مرے خواب رہ جائیں نہ پھر ادھورے

جبیں چوم لینا جگانے سے پہلے

تم اپنی تباہی کا ماتم تو کر لو

مرے حال پہ مسکرانے سے پہلے

بہت یاد آئے گی پاگل سی لڑکی

یہ سوچا نہیں تھا بھلانے سے پہلے

میں ٹوٹا میں بکھرا ہوا ریزہ ریزہ

مری جاں ترے خط جلانے سے پہلے

تمہیں صرف رنج و الم ہی ملیں گے

ذرا سوچ لو دل لگانے سے پہلے

کہا اس نے سب کو سنانے سے پہلے

tujhe yad kar ke bhulane se pahle

main roya bahut muskurane se pahle

ke ro ro ke sona to hans hans ke uthna

ham aise na the dil lagane se pahle

mire khwab rah jaen na phir adhure

jabin chum lena jagane se pahle

tum apni tabahi ka matam to kar lo

mire hal pe muskurane se pahle

bahut yad aegi pagal si larki

ye socha nahin tha bhulane se pahle

main tuta mein bikhra hua reza reza

miri jan tire khat jalane se pahle

tumhen sirf ranj-o-alam hi milenge

zara soch lo dil lagane se pahle

kaha us ne sab ko sunane se pahle