اک ذرا تم سے شناسائی ہوئی

اک ذرا تم سے شناسائی ہوئی

شہر بھر میں میری رسوائی ہوئی

حسن کو کوئی بھی دے پایا نہ مات

جب ہوئی عاشق کی پسپائی ہوئی

دیکھنے کو کچھ نہیں تھا گر یہاں

چشم بینا کیوں تماشائی ہوئی

اس نے پوچھا میرے آنے کا سبب

میں نے یہ جانا پذیرائی ہوئی

التجا دہرا رہا ہوں پھر وہ جوشؔ

جو ہے لاکھوں بار دہرائی ہوئی

ik zara tum se shanasai hui

shahr bhar mein meri ruswai hui

husn ko koi bhi de paya na mat

jab hui ashiq ki paspai hui

dekhne ko kuchh nahin tha gar yahan

chashm-e-bina kyun tamashai hui

us ne puchha mere ane ka sabab

main ne ye jana pazirai hui

iltija dohra raha hun phir wo josh

jo hai lakhon bar dohrai hui