سونا سونا دل کا مجھے نگر لگتا ہے

سونا سونا دل کا مجھے نگر لگتا ہے

اپنے سائے سے بھی آج تو ڈر لگتا ہے

بانٹ رہا ہے دامن دامن میری چاہت

اپنا دل بھی کسی سخی کا در لگتا ہے

محرومی نے جہاں بسیرا ڈھونڈ لیا ہے

مجھ کو تو وہ گھر بھی اپنا گھر لگتا ہے

میری بربادی میں حصہ ہے اپنوں کا

ممکن ہے یہ بات غلط ہو پر لگتا ہے

جوشؔ ہوں میں دیوانے پن کی اس منزل میں

جہاں رقیب بھی اپنا نامہ بر لگتا ہے

sona sona dil ka mujhe nagar lagta hai

apne sae se bhi aj to dar lagta hai

bant raha hai daman daman meri chahat

apna dil bhi kisi sakhi ka dar lagta hai

mahrumi ne jahan basera dhund liya hai

mujh ko to wo ghar bhi apna ghar lagta hai

meri barbadi mein hissa hai apnon ka

mumkin hai ye bat ghalat ho par lagta hai

josh hun main diwane pan ki is manzil mein

jahan raqib bhi apna nama bar lagta hai