دوست کوئی جو معتبر نہ رہا

دوست کوئی جو معتبر نہ رہا

اعتبار اپنے آپ پر نہ رہا

راہبر سے جو بے خبر نہ رہا

راہزن کا اسی کو ڈر نہ رہا

فصل آئی ہے جب سے پت جھڑ کی

سایہ والا کوئی شجر نہ رہا

خاکساری میں ہو گیا مشہور

کج کلاہی لئے جو سر نہ رہا

آن رکھ کر وہ جان سے کھیلا

مات کھانے کا جس کو ڈر نہ رہا

جس میں صدیاں سما گئیں وہ سخن

مختصر ہو کے مختصر نہ رہا

آدمی کی کمی نہیں نادمؔ

آدمیت لئے بشر نہ رہا

dost koi jo motabar na raha

etibar apne ap par na raha

rahbar se jo be khabar na raha

rahzan ka usi ko dar na raha

fasl ai hai jab se pat jhar ki

saya wala koi shajar na raha

khaksari mein ho gaya mashhur

kaj kulahi liye jo sar na raha

an rakh kar wo jan se khela

mat khane ka jis ko dar na raha

jis mein sadiyan sama gain wo sukhan

mukhtasar ho ke mukhtasar na raha

admi ki kami nahin nadim

admiyyat liye bashar na raha