نہ سوچنا کہ زمانے سے ڈر گئے ہم بھی

نہ سوچنا کہ زمانے سے ڈر گئے ہم بھی

تری تلاش میں غیروں کے گھر گئے ہم بھی

چرا لیں ہم سے بھی اس خود پرست نے آنکھیں

دل حبیب سے آخر اگر گئے ہم بھی

پسیجا دل نہ کسی کا ہمارے اشکوں سے

ہر آستاں پہ لیے چشم تر گئے ہم بھی

جو دیکھا کلیوں کو تجھ پر نثار ہوتے ہوئے

تو رنگ بن کے فضا میں بکھر گئے ہم بھی

جب اس کی ذوق نظر کا ہوا بہت چرچا

وفور شوق سے ایک دن سنور گئے ہم بھی

بہت سے عشق کی راہوں میں پل صراط آئے

تمہارا نام لیا اور گزر گئے ہم بھی

محال تھا کہ ہم اے جوشؔ زندہ رہ سکتے

فراق یار میں اک روز مر گئے ہم بھی

na sochna ke zamane se dar gae ham bhi

tiri talash mein ghairon ke ghar gae ham bhi

chura len ham se bhi is khud parast ne ankhen

dil-e-habib se akhir agar gae ham bhi

pasija dil na kisi ka hamare ashkon se

har astan pe liye chashm-e-tar gae ham bhi

jo dekha kaliyon ko tujh par nisar hote hue

tu rang ban ke faza mein bikhar gae ham bhi

jab us ki zauq-e-nazar ka hua bahut charcha

wafur-e-shauq se ek din sanwar gae ham bhi

bahut se ishq ki rahon mein pal sirat ae

tumhara nam liya aur guzar gae ham bhi

muhal tha ke ham ai josh-e-zinda rah sakte

firaq-e-yar mein ik roz mar gae ham bhi