جب کبھی ذکر یار کا آیا

جب کبھی ذکر یار کا آیا

ایک جھونکا بہار کا آیا

عشق کچے گھڑے پہ ڈوب گیا

لمحہ جب انتظار کا آیا

آ گئے دل میں وسوسے کتنے

وقت جب اعتبار کا آیا

پاس تیر و کماں نہ تھے اپنے

جب بھی موسم شکار کا آیا

ہم نے ٹھکرا دیا جہاں کو جوشؔ

مرحلہ جب وقار کا آیا

jab kabhi zikr yar ka aya

ek jhonka bahar ka aya

ishq kachche ghare pe dub gaya

lamha jab intizar ka aya

a gae dil mein waswase kitne

waqt jab etibar ka aya

pas tir-o-kaman na the apne

jab bhi mausam shikar ka aya

ham ne thukra diya jahan ko josh

marhala jab waqar ka aya