اتنا احسان تو ہم پر وہ خدارا کرتے

اتنا احسان تو ہم پر وہ خدارا کرتے

اپنے ہاتھوں سے جگر چاک ہمارا کرتے

ہم کو تو درد جدائی سے ہی مر جانا تھا

چند روز اور نہ قاتل کو اشارہ کرتے

لے کے جاتے نہ اگر ساتھ وہ یادیں اپنی

یاد کرتے انہیں اور وقت گزارا کرتے

زندگی ملتی جو سو بار ہمیں دنیا میں

ہم تو ہر بات اسے آپ پہ وارا کرتے

جوشؔ دھندلاتا نہ ہرگز یہ مرا شیشۂ دل

گرد اس کی وہ اگر روز اتارا کرتے

itna ehsan to ham par wo khudara karte

apne hathon se jigar chak hamara karte

ham ko to dard-e-judai se hi mar jana tha

chand roz aur na qatil ko ishara karte

le ke jate na agar sath wo yaden apni

yad karte unhen aur waqt guzara karte

zindagi milti jo sau bar hamen duniya mein

ham to har bat use ap pe wara karte

josh-e-dhundlata na hargiz ye mira shisha-e-dil

gard us ki wo agar roz utara karte