شباب آ گیا اس پر شباب سے پہلے

شباب آ گیا اس پر شباب سے پہلے

دکھائی دی مجھے تعبیر خواب سے پہلے

جمال یار سے روشن ہوئی مری دنیا

وہ چمکی دل میں کرن ماہتاب سے پہلے

دل و نگاہ پہ کیوں چھا رہا ہے اے ساقی

یہ تیری آنکھ کا نشہ شراب سے پہلے

نہ پیش نامۂ اعمال کر ابھی اے جوشؔ

حساب کیسا یہ روز حساب سے پہلے

shabab a gaya us par shabab se pahle

dikhai di mujhe taabir khwab se pahle

jamal-e-yar se raushan hui miri duniya

wo chamki dil mein kiran mahtab se pahle

dil-o-nigah pe kyun chha raha hai ai saqi

ye teri ankh ka nasha sharab se pahle

na pesh-e-nama-e-aamal kar abhi ai josh

hisab kaisa ye roz-e-hisab se pahle