کوئی شکوہ تو زیر لب ہوگا

کوئی شکوہ تو زیر لب ہوگا

کچھ خموشی کا بھی سبب ہوگا

میں بھی ہوں بزم میں رقیب بھی ہے

آخری فیصلہ تو اب ہوگا

آئیں مے خانہ میں کبھی واعظ

حور بھی ہوگی اور سب ہوگا

بول اے میرے دل کی تاریکی

تیرا سورج طلوع کب ہوگا

سنتا ہوگا صدائیں اس دل کی

شام تنہائی میں وہ جب ہوگا

کب چھٹیں گی یہ بدلیاں غم کی

صاف مطلع یہ جوشؔ کب ہوگا

koi shikwa to zer-e-lab hoga

kuchh khamoshi ka bhi sabab hoga

main bhi hun bazm mein raqib bhi hai

akhiri faisla to ab hoga

aen mai khana mein kabhi waiz

hur bhi hogi aur sab hoga

bol ai mere dil ki tariki

tera suraj tulu kab hoga

sunta hoga sadaen is dil ki

sham-e-tanhai mein wo jab hoga

kab chhutengi ye badliyan gham ki

saf matlaa ye josh kab hoga