موت بھی میری دسترس میں نہیں

موت بھی میری دسترس میں نہیں

اور جینا بھی اپنے بس میں نہیں

آگ بھڑکے تو کس طرح بھڑکے

اک شرر بھی تو خار و خس میں نہیں

قتل و غارت کھلی فضا کا نصیب

ایسا خطرہ کوئی قفس میں نہیں

کیا سنے کوئی داستان وفا

فرق اب عشق اور ہوس میں نہیں

ظلم کے سامنے ہو سینہ سپر

حوصلہ اتنا ہم نفس میں نہیں

جوشؔ وہ جو کہیں کرو تسلیم

فائدہ کچھ بھی پیش و پس میں نہیں

maut bhi meri dastaras mein nahin

aur jina bhi apne bas mein nahin

ag bharke to kis tarah bharke

ik sharar bhi to khar-o-khas mein nahin

qatl-o-gharat khuli faza ka nasib

aisa khatra koi qafas mein nahin

kya sune koi dastan-e-wafa

farq ab ishq aur hawas mein nahin

zulm ke samne ho sina sipar

hausla itna ham nafas mein nahin

josh wo jo kahin karo taslim

faida kuchh bhi pesh-o-pas mein nahin