چاندنی رات میں اندھیرا تھا

چاندنی رات میں اندھیرا تھا

اس طرح بے بسی نے گھیرا تھا

میرے گھر میں بسی تھی تاریکی

گھر سے باہر مگر سویرا تھا

وہ کسی اور کا ہوا ہے آج

وہ جو کل تک تو صرف میرا تھا

اڑ گئے آس کے سبھی پنچھی

جن کا دل میں مرے بسیرا تھا

بس وہیں جوشؔ کا مزار ہے آج

کل جہاں بے وفا کا ڈیرا تھا

chandni rat mein andhera tha

is tarah be basi ne ghera tha

mere ghar mein basi thi tariki

ghar se bahar magar sawera tha

wo kisi aur ka hua hai aj

wo jo kal tak to sirf mera tha

ur gae as ke sabhi panchhi

jin ka dil mein mire basera tha

bas wahin josh ka mazar hai aj

kal jahan be wafa ka dera tha