کچھ اس طرح دل سے عشق اس کا نکالنا ہے

کچھ اس طرح دل سے عشق اس کا نکالنا ہے

بغیر گلک کو توڑے سکہ نکالنا ہے

میں جانتا ہوں محبتوں کا مقام آخر

سو اس کے کمرے سے مجھ کو پنکھا نکالنا ہے

نکال پھینکی گھڑی کلائی سے اس کی دی ہوئی

اب اپنے خاطر اک آدھ گھنٹہ نکالنا ہے

زمین کھودیں جنہیں بنانی ہیں قبر گاہیں

زمین جوتیں جنہیں خزانہ نکالنا ہے

نکال لایا جو مجھ کو لہروں کی سازشوں سے

مجھے سمندر سے اب وہ تنکا نکالنا ہے

kuchh is tarah dil se ishq us ka nikalna hai

baghair galak ko tore sikka nikalna hai

main janta hun mohabbaton ka maqam akhir

so us ke kamre se mujh ko pankha nikalna hai

nikal phenki ghari kalai se us ki di hui

ab apne khatir ik adh ghanta nikalna hai

zamin khoden jinhen banani hain qabr gahen

zamin joten jinhen khazana nikalna hai

nikal laya jo mujh ko lahron ki sazishon se

mujhe samundar se ab wo tinka nikalna hai