وہ صرف قصے کہانیوں کے معاملے تھے چراغ رکھ دے
Charagh Sharma (b. 1998)وہ صرف قصے کہانیوں کے معاملے تھے چراغ رکھ دے
چراغ گھسنے سے کوئی جن ون نہیں نکلتے چراغ رکھ دے
ہماری معصومیت تو دیکھو رکھ آئے دل ہم حضور جاناں
کہ جیسے کوئی خدا کا بندہ ہوا کے آگے چراغ رکھ دے
کسی کے سائے کو قید کرنے کا اک طریقہ بتا رہا ہوں
اک اس کے آگے چراغ رکھ دے اک اس کے پیچھے چراغ رکھ دے
تجھے بہت شوق تھا محبت کی گرم لپٹوں سے کھیلنے کا
لے جل گئی نہ ہتھیلی اب خوش کہا تھا میں نے چراغ رکھ دے
چراغ لے کے بھی ڈھونڈنے سے چراغ جیسا نہیں ملے گا
سو رکھنی ہے تو چراغ سے رکھ نہیں تو پیارے چراغ رکھ دے
چراغ روشن ضرور کر تو پر اس سے پہلے خدا کی خاطر
یہاں پہ پھیلا ہے جو اندھیرا سمیٹ زیر چراغ رکھ دے
میں دل کی باتوں میں آ گیا اور اٹھا کے لے آیا اس کی پائل
دماغ دیتا رہا صدائیں چراغ رکھ دے چراغ رکھ دے
wo sirf qisse kahaniyon ke muamle the charagh rakh de
charagh ghisne se koi jin wan nahin nikalte charagh rakh de
hamari maasumiyat to dekho rakh ae dil ham huzur janan
ke jaise koi khuda ka banda hawa ke age charagh rakh de
kisi ke sae ko qaid karne ka ik tariqa bata raha hun
ik is ke age charagh rakh de ik us ke pichhe charagh rakh de
tujhe bahut shauq tha mohabbat ki garm lapaton se khelne ka
le jal gai na hatheli ab khush kaha tha main ne charagh rakh de
charagh le ke bhi dhundne se charagh jaisa nahin milega
so rakhni hai to charagh se rakh nahin to pyare charagh rakh de
charagh-e-raushan zarur kar to par is se pahle khuda ki khatir
yahan pe phaila hai jo andhera samet zer-e-charagh rakh de
main dil ki baton mein a gaya aur utha ke le aya us ki pail
dimagh deta raha sadaen charagh rakh de charagh rakh de