محاذ جنگ سے پہلے کہیں پڑاؤ بناؤ

محاذ جنگ سے پہلے کہیں پڑاؤ بناؤ

ندی پہ باندھ بنانے سے پہلے ناؤ بناؤ

یہ رات صرف اندھیری نہیں ہے سرد بھی ہے

دیا بنا لیا شاباش اب الاؤ بناؤ

بنانا جانتے ہو تم تو سب کے دل میں جگہ

ہمارے دل میں بنا کر دکھاؤ آؤ بناؤ

یہ سنگ مرمری ناخن یہ کتھئی پالش

کہ کوئی دیکھے تو کہہ دے ہمارے گھاؤ بناؤ

بناؤ تاج محل کے بجائے تاش محل

تمام عمر محبت کرو گراؤ بناؤ

تمہاری اچھی بنے گی ہمارے ساتھ کہ تم

بہانے اچھے بنا لیتی ہو بناؤ بناؤ

mahaz-e-jang se pahle kahin parao banao

nadi pe bandh banane se pahle nao banao

ye rat sirf andheri nahin hai sard bhi hai

diya bana liya shabash ab alao banao

banana jante ho tum to sab ke dil mein jagah

hamare dil mein bana kar dikhao ao banao

ye sang marmari nakhun ye kathi palish

ke koi dekhe to kah de hamare ghao banao

banao taj mahal ke bajae tash mahal

tamam umr mohabbat karo girao banao

tumhari achchhi banegi hamare sath ke tum

bahane achchhe bana leti ho banao banao