عقل پر اس کی گر پڑا پتھر

عقل پر اس کی گر پڑا پتھر

جس نے پارس کو کہہ دیا پتھر

قصر شیشے کا جب ہوا تعمیر

ہر طرف سے برس گیا پتھر

سنگ مرمر وہ کیسے بن سکتا

فطرتاً جو سیاہ تھا پتھر

وہ بتوں کو خدا نہ کیوں سمجھے

کام جس کا ہے پوجنا پتھر

دل کو دل سے گزند یوں پہنچی

ایک شیشہ تھا دوسرا پتھر

آئنے کا نہیں محافظ وہ

کام جس کا ہے مارنا پتھر

موم ہوتا نہیں کبھی نادمؔ

خوش نما ہو کہ بد نما پتھر

aql par us ki gir para patthar

jis ne paras ko kah diya patthar

qasr shishe ka jab hua taamir

har taraf se baras gaya patthar

sang-e-marmar wo kaise ban sakta

fitratan jo siyah tha patthar

wo buton ko khuda na kyun samjhe

kam jis ka hai pujna patthar

dil ko dil se gazand yun pahunchi

ek shisha tha dusra patthar

aine ka nahin muhafiz wo

kam jis ka hai marna patthar

mom hota nahin kabhi nadim

khush numa ho ke bad numa patthar