عموماً ہم اکیلے بیٹھتے ہیں

عموماً ہم اکیلے بیٹھتے ہیں

وہ بیٹھا ہے تو چلئے بیٹھتے ہیں

مری آنکھوں میں گنجائش تو کم ہے

پر اس کے خواب پورے بیٹھتے ہیں

اٹھیں نظریں تو نظروں سے گریں گے

یہاں نظروں پہ پہرے بیٹھتے ہیں

ادب کا فرش ہے یہ اس پہ بچے

بزرگوں کے سہارے بیٹھتے ہیں

وہ خود مرکز میں تھوڑی بیٹھتا ہے

سب اس کے آگے پیچھے بیٹھتے ہیں

اداسی سے بھروسا اٹھ رہا ہے

چلو ناصرؔ کو پڑھنے بیٹھتے ہیں

umuman ham akele baithte hain

wo baitha hai to chaliye baithte hain

miri ankhon mein gunjaish to kam hai

par us ke khwab pure baithte hain

uthen nazren to nazron se girenge

yahan nazron pe pahre baithte hain

adab ka farsh hai ye us pe bachche

buzurgon ke sahare baithte hain

wo khud markaz mein thori baithta hai

sab is ke age pichhe baithte hain

udasi se bharosa uth raha hai

chalo nasir ko parhne baithte hain