اڑتے ہیں گرتے ہیں پھر سے اڑتے ہیں

اڑتے ہیں گرتے ہیں پھر سے اڑتے ہیں

اڑنے والے اڑتے اڑتے اڑتے ہیں

کوئی اس بوڑھے پیپل سے کہہ آؤ

پنجرے میں ہم خوب مزے سے اڑتے ہیں

ہائے وہ چڑیا اڑ مینا اڑ کے جھگڑے

اور پھر ثابت کرنا بکرے اڑتے ہیں

پنجرے میں دانا پانی سب رکھا ہے

اور پرندے بھوکے پیاسے اڑتے ہیں

دیکھ رہے ہیں ہم بھی جوانی کے موسم

بند ہوا میں کیسے دوپٹے اڑتے ہیں

اس طوطے کا پنجرا کھولو پھر دیکھو

کیسے اس طوطے کے طوطے اڑتے ہیں

urte hain girte hain phir se urte hain

urne wale urte urte urte hain

koi is burhe pipal se kah ao

pinjre mein ham khub maze se urte hain

hae wo chiriya ur mina ur ke jhagre

aur phir sabit karna bakre urte hain

pinjre mein dana pani sab rakha hai

aur parinde bhuke pyase urte hain

dekh rahe hain ham bhi jawani ke mausam

band hawa mein kaise dupatte urte hain

is tote ka pinjra kholo phir dekho

kaise is tote ke tote urte hain