وہ ہنس کے دیکھتی ہوتی تو اس سے بات کرتے

وہ ہنس کے دیکھتی ہوتی تو اس سے بات کرتے

کوئی امید بھی ہوتی تو اس سے بات کرتے

ہم اسٹیشن سے باہر آئے اس افسوس کے ساتھ

وہ لڑکی اجنبی ہوتی تو اس سے بات کرتے

ہمارے جام آدھی حوصلہ افزائی کر پائے

اگر اس نے بھی پی ہوتی تو اس سے بات کرتے

توجہ سے بہت شرماتی ہے آواز اپنی

اگر وہ سو رہی ہوتی تو اس سے بات کرتے

کسی سے بات کرنا اتنا مشکل بھی نہیں تھا

کسی نے بات کی ہوتی تو اس سے بات کرتے

یہ خاموشی بھی کیا ہے گفتگو کی انتہا ہے

کوئی بات ان کہی ہوتی تو اس سے بات کرتے

wo hans ke dekhti hoti to us se bat karte

koi ummid bhi hoti to us se bat karte

ham isteshan se bahar ae is afsos ke sath

wo larki ajnabi hoti to us se bat karte

hamare jam adhi hausla afzai kar pae

agar us ne bhi pi hoti to us se bat karte

tawajjoh se bahut sharmati hai awaz apni

agar wo so rahi hoti to us se bat karte

kisi se bat karna itna mushkil bhi nahin tha

kisi ne bat ki hoti to us se bat karte

ye khamoshi bhi kya hai guftugu ki intiha hai

koi bat an kahi hoti to us se bat karte