تتلی سے دوستی نہ گلابوں کا شوق ہے

تتلی سے دوستی نہ گلابوں کا شوق ہے

میری طرح اسے بھی کتابوں کا شوق ہے

ورنہ تو نیند سے بھی نہیں کوئی خاص ربط

آنکھوں کو صرف آپ کے خوابوں کا شوق ہے

ہم عاشق غزل ہیں تو مغرور کیوں نہ ہوں

آخر یہ شوق بھی تو نوابوں کا شوق ہے

اس شخص کے فریب سے واقف ہیں ہم مگر

کچھ اپنی پیاس کو ہی سرابوں کا شوق ہے

گرنے دو خود سنبھلنے دو ایسے ہی چلنے دو

یہ تو چراغؔ خانہ خرابوں کا شوق ہے

titli se dosti na gulabon ka shauq hai

meri tarah use bhi kitabon ka shauq hai

warna to nind se bhi nahin koi khas rabt

ankhon ko sirf ap ke khwabon ka shauq hai

ham ashiq-e-ghazal hain to maghrur kyun na hun

akhir ye shauq bhi to nawwabon ka shauq hai

us shakhs ke fareb se waqif hain ham magar

kuchh apni pyas ko hi sarabon ka shauq hai

girne do khud sambhalne do aise hi chalne do

ye to charagh-e-khana kharabon ka shauq hai