دست خلوص جن کی طرف ہم بڑھا گئے

دست خلوص جن کی طرف ہم بڑھا گئے

خنجر بکف وہی صف قاتل میں آ گئے

آنکھوں سے دل کی پیاس جو آنسو بہا گئی

ہر بوند میں ہزار سمندر سما گئے

بادل برس برس کے شب و روز ہر طرف

نیرنگی حیات کی فصلوں کو کھا گئے

پایا فروغ آگ نے بارش کی اوٹ میں

شعلے منافرت کے رفاقت جلا گئے

گہرے سمندروں سے جنہیں تھیں شکایتیں

جوئے کم آب میں وہی کشتی چلا گئے

آنکھوں کو بات چیت کے آداب دے کے ہم

گونگی زباں سے دل کی حکایت سنا گئے

نادمؔ بسنت آئی تو دیکھا یہ کھیت میں

سرسوں کے پھول رائی کا پربت اگا گئے

dast-e-khulus jin ki taraf ham barha gae

khanjar bakaf wahi saf-e-qatil mein a gae

ankhon se dil ki pyas jo ansu baha gai

har bund mein hazar samundar sama gae

badal baras baras ke shab-o-roz har taraf

nairangi-e-hayat ki faslon ko kha gae

paya farogh ag ne barish ki ot mein

shole munafarat ke rifaqat jala gae

gahre samundaron se jinhen thin shikayaten

ju-e-kam ab mein wahi kashti chala gae

ankhon ko bat chet ke adab de ke ham

gungi zaban se dil ki hikayat suna gae

nadim basant ai to dekha ye khet mein

sarson ke phul rai ka parbat uga gae