دیکھ ان چڑیوں کو چڑیا گھر نہ دیکھ

دیکھ ان چڑیوں کو چڑیا گھر نہ دیکھ

لوٹ مت پیچھے کو یوں مڑ کر نہ دیکھ

ہاتھیوں کی پیٹھ پر بیٹھا ہے دن

شام سے پہلے کوئی منظر نہ دیکھ

اپنی دیواروں سے کچھ باہر نکل

صرف خالی گھر کے بام و در نہ دیکھ

پتھروں کے کرب کو محسوس کر

میرے سینے پر رکھا پتھر نہ دیکھ

کر گیا سورج سبھی کو بے لباس

اب کوئی سایہ کوئی پیکر نہ دیکھ

اپنی ننگی چارپائی ڈھانپ لے

اس کے بستر کی دھلی چادر نہ دیکھ

فرش پر بے لفظ آوازوں کو سن

ہنہناتی گھوڑیوں کے سر نہ دیکھ

dekh in chiriyon ko chiriya ghar na dekh

laut mat pichhe ko yun mur kar na dekh

hathiyon ki pith par baitha hai din

sham se pahle koi manzar na dekh

apni diwaron se kuchh bahar nikal

sirf khali ghar ke bam-o-dar na dekh

pattharon ke karb ko mahsus kar

mere sine par rakha patthar na dekh

kar gaya suraj sabhi ko be libas

ab koi saya koi paikar na dekh

apni nangi charpai dhanp le

us ke bistar ki dhuli chadar na dekh

farsh par be lafz awazon ko sun

hinhinati ghoriyon ke sar na dekh