جستجو کے پاؤں اب آرام سا پانے لگے

جستجو کے پاؤں اب آرام سا پانے لگے

اب ہمارے پاس بھی کچھ راستے آنے لگے

وقت اور حالات پر کیا تبصرہ کیجے کہ جب

ایک الجھن دوسری الجھن کو سلجھانے لگے

شہر میں جرم و حوادث اس قدر ہیں آج کل

اب تو گھر میں بیٹھ کر بھی لوگ گھبرانے لگے

دل میں آ بیٹھا ہے دیکھو دوریوں کا دیوتا

ہم جماعت کے تصور سے بھی اکتانے لگے

تم کسی مظلوم کی آواز بن کر گونجنا

یاد میری جب تمہیں شدت سے تڑپانے لگے

لے رہا ہے درد انگڑائی اٹھا وہ احتجاج

زخم خوردہ سب پرندے پنکھ پھیلانے لگے

کام ایسا کیوں کیا جائے کہ جس کے بعد میں

آدمی اپنے کیے پر آپ پچھتانے لگے

justuju ke paon ab aram sa pane lage

ab hamare pas bhi kuchh raste ane lage

waqt aur halat par kya tabsira kije ke jab

ek uljhan dusri uljhan ko sulajhane lage

shahr mein jurm-o-hawadis is qadar hain aj kal

ab to ghar mein baith kar bhi log ghabrane lage

dil mein a baitha hai dekho duriyon ka dewta

ham jamaat ke tasawwur se bhi uktane lage

tum kisi mazlum ki awaz ban kar gunjna

yad meri jab tumhen shiddat se tarapane lage

le raha hai dard angrai utha wo ehtijaj

zakhm khurda sab parinde pankh phailane lage

kam aisa kyun kiya jae ke jis ke baad mein

admi apne kiye par ap pachhtane lage