پھر لوٹ کے آیا ہوں تنہائی کے جنگل میں

پھر لوٹ کے آیا ہوں تنہائی کے جنگل میں

اک شہر تصور ہے احساس کے ہر پل میں

تو مصر کی ملکہ ہے میں یوسف کنعاں ہوں

افسوس مگر گم ہیں تفریق کے دلدل میں

انسان کی دنیا میں انساں ہے پریشاں کیوں

مچھلی تو نہیں ہوتی بے چین کبھی جل میں

ہر فکر کے چہرے پر سو زخم ہیں ماضی کے

اک لفظ نہیں زندہ آواز کے مقتل میں

چٹکی میں مسلتے ہیں تنکے بھی پہاڑوں کو

جب خون سمٹتا ہے مظلوم کے آنچل میں

پھر چھوڑ دیا تنہا دنیا نے خیالؔ ہم کو

پھر ذہن پریشاں ہے جذبات کی ہلچل میں

phir laut ke aya hun tanhai ke jangal mein

ik shahr tasawwur hai ehsas ke har pal mein

tu misr ki malaka hai main yusuf-e-kanan hun

afsos magar gum hain tafriq ke daldal mein

insan ki duniya mein insan hai pareshan kyun

machhli to nahin hoti be chain kabhi jal mein

har fikr ke chehre par so zakhm hain mazi ke

ik lafz nahin zinda awaz ke maqtal mein

chutki mein masalte hain tinke bhi paharon ko

jab khun simatta hai mazlum ke anchal mein

phir chhor diya tanha duniya ne khayal ham ko

phir zehn pareshan hai jazbat ki halchal mein