کوئی دانا کوئی دیوانہ ملا

کوئی دانا کوئی دیوانہ ملا

شہر میں ہر شخص بیگانہ ملا

میں اسے پہچان تو لیتا مگر

جب ملا وہ بن کے افسانہ ملا

نیم کے پتوں سی کڑوی ہر خوشی

دیکھیے مجھ کو یہ نذرانہ ملا

شور تھا وہ پیکر پیکار ہے

عزم اس کا بھی مریضانہ ملا

زندگی کے نام پر مجھ کو خیالؔ

ایک زہریلا سیہ خانہ ملا

koi dana koi diwana mila

shahr mein har shakhs begana mila

main use pahchan to leta magar

jab mila wo ban ke afsana mila

nim ke patton si karwi har khushi

dekhiye mujh ko ye nazrana mila

shor tha wo paikar-e-paikar hai

azm us ka bhi marizana mila

zindagi ke nam par mujh ko khayal

ek zahrila siyah khana mila