دیکھی ہے جو پت جھڑ کی فضا سوچ رہا ہوں

دیکھی ہے جو پت جھڑ کی فضا سوچ رہا ہوں

انجام یہی ہوگا مرا سوچ رہا ہوں

مانگوں تو وہ الٹا ہی اثر اپنا دکھائے

کیا نام اسی کا ہے دعا سوچ رہا ہوں

اغیار ہی کا ذکر فقط میں نے کیا تھا

اپنے ہوئے کیوں مجھ سے خفا سوچ رہا ہوں

انجام جو آغاز بہاراں سے ملا ہے

کیا اس نے گلستاں کو دیا سوچ رہا ہوں

برتاؤ ستم گر کا تو معلوم ہے لیکن

کیا اہل محبت سے ملا سوچ رہا ہوں

آغوش تغافل میں جو برسوں سے پڑا تھا

ہشیار وہی کیسے ہوا سوچ رہا ہوں

کیوں خود کو نہ پہچان سکا دیکھ کے نادمؔ

آئینہ کے آگے میں کھڑا سوچ رہا ہوں

dekhi hai jo pat jhar ki faza soch raha hun

anjam yahi hoga mira soch raha hun

mangun to wo ulta hi asar apna dikhae

kya nam usi ka hai dua soch raha hun

aghyar hi ka zikr faqat main ne kiya tha

apne hue kyun mujh se khafa soch raha hun

anjam jo aghaz-e-baharan se mila hai

kya us ne gulistan ko diya soch raha hun

bartao sitam gar ka to maalum hai lekin

kya ahl-e-mohabbat se mila soch raha hun

aghosh-e-taghaful mein jo barson se para tha

hushyar wahi kaise hua soch raha hun

kyun khud ko na pahchan saka dekh ke nadim

aina ke age main khara soch raha hun