سبھی صدیوں کو مل کر سوچنا ہے

سبھی صدیوں کو مل کر سوچنا ہے

کہ اک لمحے کا من کیوں انمنا ہے

تمہارے پاس ہیں علم و ہنر سب

ہمارے پاس بس اک بچپنا ہے

بچا کر تم اسے گلک میں رکھو

ہمیں تو زندگی کو خرچنا ہے

ہیں کچھ ایمان تیرے کھیل میں یا

ترا مقصد یہاں بس جیتنا ہے

سوا اس کے قیامت اور کیا ہے

خدائی کا خدا سے سامنا ہے

ذرا یہ سوچ کر تقریر کرنا

تمہارے بعد ہم کو بولنا ہے

چمک سورج کی کم تھوڑے ہوئی ہے

اسے گھیرے ہوئے بادل گھنا ہے

کسی دن بھاڑ کو وہ پھوڑ دے گا

جسے کہتے ہیں سب تھوتھا چنا ہے

sabhi sadiyon ko mil kar sochna hai

ke ik lamhe ka man kyun anmana hai

tumhare pas hain ilm-o-hunar sab

hamare pas bas ik bachpana hai

bacha kar tum use galak mein rakho

hamen to zindagi ko kharchna hai

hain kuchh iman tere khel mein ya

tira maqsad yahan bas jitna hai

siwa us ke qayamat aur kya hai

khudai ka khuda se samna hai

zara ye soch kar taqrir karna

tumhare baad ham ko bolna hai

chamak suraj ki kam thore hui hai

use ghere hue badal ghana hai

kisi din bhar ko wo phor dega

jise kahte hain sab thotha chuna hai