ایک تو پتھر اچھالا جا رہا ہے

ایک تو پتھر اچھالا جا رہا ہے

اس پہ شیشہ بھی سنبھالا جا رہا ہے

گھر اندھیروں کا کھنگالا جا رہا ہے

رات میں سورج نکالا جا رہا ہے

پھول تو مجبوریوں میں کھل رہے ہیں

باغ میں کانٹوں کو پالا جا رہا ہے

فیصلہ آیا ہے برسوں بعد وہ ہی

فیصلے کو کل پہ ٹالا جا رہا ہے

آپ کی تب تک ہی زندہ باد ہوگی

پیٹ میں جب تک نوالا جا رہا ہے

اب سنا ایسے بھی سانچے بن رہے ہیں

جن میں کوزہ گر ڈھالا جا رہا ہے

اب کہاں کندھوں کو کچھ تکلیف ہوگی

بوجھ سارا دل پہ ڈالا جا رہا ہے

بند رہ کر وہ بھی اب اکتا گیا ہے

چابیوں کے پاس تالا جا رہا ہے

ek to patthar uchhala ja raha hai

us pe shisha bhi sambhala ja raha hai

ghar andheron ka khangala ja raha hai

rat mein suraj nikala ja raha hai

phul to majburiyon mein khul rahe hain

bagh mein kanton ko pala ja raha hai

faisla aya hai barson baad wo hi

faisle ko kal pe tala ja raha hai

ap ki tab tak hi zinda bad hogi

pet mein jab tak nauilla ja raha hai

ab suna aise bhi sanche ban rahe hain

jin mein kuza gar-e-dhala ja raha hai

ab kahan kandhon ko kuchh taklif hogi

bojh sara dil pe dala ja raha hai

band rah kar wo bhi ab ukta gaya hai

chabiyon ke pas tala ja raha hai