کہیں چندن مہکتا ہے کہیں کیسر مہکتا ہے

کہیں چندن مہکتا ہے کہیں کیسر مہکتا ہے

یہ خوشبو ہے بزرگوں کی جو میرا گھر مہکتا ہے

وہ اپنی جھریوں والی ہتھیلی میں دعا بھر کر

جو چھو دیتے ہیں میرا سر تو میرا سر مہکتا ہے

اگربتی کے جیسا ہو گیا ہے دل ہمارا اب

وہ اپنے دیوتا کے سامنے جل کر مہکتا ہے

تمہارے شہر میں اب تو بہاریں بھی ہوئی باسی

ہمارے گاؤں آ جاؤ یہاں پت جھڑ مہکتا ہے

مرے اس جسم کی اپنی کوئی خوشبو نہیں لیکن

مہکتا ہوں میں اس کارن مرا دلبر مہکتا ہے

سڑک پر ٹھوکریں دنیا کی وہ کھاتا رہا برسوں

اسے مندر میں جب رکھا وہی پتھر مہکتا ہے

ترا بھیگا بدن اک دن نظر سے چھو لیا میں نے

اسی دن سے مری آنکھوں کا ہر منظر مہکتا ہے

kahin chandan mahakta hai kahin kesar mahakta hai

ye khushbu hai buzurgon ki jo mera ghar mahakta hai

wo apni jhiriyon wali hatheli mein dua bhar kar

jo chhu dete hain mera sar to mera sar mahakta hai

agarbatti ke jaisa ho gaya hai dil hamara ab

wo apne dewta ke samne jal kar mahakta hai

tumhare shahr mein ab to baharen bhi hui basi

hamare gaon a jao yahan pat jhar mahakta hai

mire is jism ki apni koi khushbu nahin lekin

mahakta hun main is karan mira dilbar mahakta hai

sarak par thokaren duniya ki wo khata raha barson

use mandir mein jab rakha wahi patthar mahakta hai

tira bhiga badan ik din nazar se chhu liya main ne

usi din se miri ankhon ka har manzar mahakta hai