تیری تصویر کا جب دام لگایا جائے

تیری تصویر کا جب دام لگایا جائے

نام اس پر سے مصور کا ہٹایا جائے

اے خدا ٹھیک بنی ہے تری دنیا پھر بھی

مرتبہ اس میں محبت کا بڑھایا جائے

اے گھڑی ساز لگا دے تو گھڑی میں گلک

جس میں خود کے لیے کچھ وقت بچایا جائے

آپ بے شک نئے سکوں کو چلائیں لیکن

کیا ضروری ہے پرانوں کو گلایا جائے

راستا کاٹ گئی ہے مرا کالی بلی

اس بہانے چلو گھر لوٹ کے آیا جائے

بے قراری کسی کی بڑھ چکی ہوگی اب تک

ساتویں گھنٹی ہے اب فون اٹھایا جائے

teri taswir ka jab dam lagaya jae

nam us par se musawwir ka hataya jae

ai khuda thik bani hai tiri duniya phir bhi

martaba is mein mohabbat ka barhaya jae

ai ghari saz laga de to ghari mein galak

jis mein khud ke liye kuchh waqt bachaya jae

ap be shak nae sukun ko chillaen lekin

kya zaruri hai puranon ko gilaya jae

rasta kat gai hai mira kali billi

is bahane chalo ghar laut ke aya jae

be qarari kisi ki barh chuki hogi ab tak

satwin ghanti hai ab fon uthaya jae