بجھا ڈالے ہوا نے شہر کے سارے دیے پر

بجھا ڈالے ہوا نے شہر کے سارے دیے پر

اسے افسوس رتی بھر نہیں اپنے کئے پر

یہ مت پوچھو کہ کتنی مرتبہ ہم نے نکالا

تمہارے خط نہیں آنے کا غصہ ڈاکئے پر

وہ جب تک اڑ رہی تھی ہو نہیں پایا یہ ممکن

ہے چڑیا اب قفس میں چین سے گن لیجئے پر

سنی ہے جب سے ہم نے بھیڑیا آیا کہانی

یقیں انسان پر کم ہے زیادہ بھیڑیے پر

نکالی جائے گی اب کھال اس کی دیکھنا تم

ملا ہے جو تمہارا بال میرے تولیے پر

bujha dale hawa ne shahr ke sare diye par

use afsos ratti bhar nahin apne kiye par

ye mat puchho ke kitni martaba ham ne nikala

tumhare khat nahin ane ka ghussa dakiye par

wo jab tak ur rahi thi ho nahin paya ye mumkin

hai chiriya ab qafas mein chain se gin lijiye par

suni hai jab se ham ne bheriya aya kahani

yaqin insan par kam hai ziyada bheriye par

nikali jaegi ab khal us ki dekhna tum

mila hai jo tumhara bal mere toliye par